သစ္စာ

ပဲပုပ်နဲ့ ဆီဆမ်းဆားဖြူး
အရသာထူးလှပါဘိ
မြူးသည့် ဖြစ်ခြင်း

အဖြူရောင် သစ္စာဟင်းချိုနဲ့
ဖြစ်သလိုသာ လွေးလိုက်တယ်
မဆွေးတော့ပါဘူး


နာမည်ပျက်တဲ့ အမည်းစက်
ခဲဖျက်နဲ့ မပျက်တာမို့
ခဏတာသာယာရေး မတွေးတော့ပါဘူး

ရေများရာမိုးရွာ
မျက်နှာကြီးရာဟင်းဖတ်ပါ
ဖြစ်မြဲပင် ဓမ္မတာမို့
အပြစ်လဲ မမြင်ရက်ပါဘူး

ပေးပြီးသားကတိသည်
မဆပ်ရသေးတဲ့ အကြွေး

ကြွေးပူတွေအေးအောင်ပ
သစ္စာရေသောက်ကြမယ်
နောက်မဆုတ်ကြေး 
မျိုးချစ်သွေး

0 comments:

Post a Comment

မိမိတို့၏ ထင်မြင်ချက်၊ အယူအဆတို့ကို လွတ်လွတ်လပ်လပ် ရေးသားနိုင်ပါသည်။